Ана капиталы һәм декрет түләүләре күләме арта

Россиядә минималь хезмәт хакы арту сәбәпле, 1 февральдән аңа бәйле ана капиталы, бала карау буенча түләүләр һәм декрет акчалары күләме артачак.

Шул рәвешле, Ана капиталы күләме артачак: 

беренче балага-65 мең сумга (589,5 мең сумга кадәр), 
икенче сабыйга - 86 мең сумга (779 мең сумга кадәр).

Әгәр гаилә Ана капиталын беренче бала өчен рәсмиләштергән икән, икенчесенә түләү күләме 189,5 мең сум булачак (өстәмә рәвештә 20,9 мең сум тәшкил итәчәк). Бала туганда бер тапкыр бирелә торган пособиенең күләме 23 011 сум тәшкил итәчәк.