•  
• Кучкар (21 март – 20 апрель
  Күңелегездәге шикләр тарала башлар. Озак уйлап йөргән эшкә беренче адымны ясар өчен вакыт җитә. Кемнеңдер хуплавын көтеп тормагыз, үзегезгә ышаныгыз.

Үгезбозау (21 апрель – 20 май)
Тормыш вак-төяк шатлыкларны ешрак бүләк итәр. Аларны күрергә генә өйрәнегез. Атна азагында күңелле хәбәр ишетүегез ихтимал.

Игезәкләр (21 май – 21 июнь)
Күптән күрешмәгән кешеләр белән юлларыгыз кабат кисешергә мөмкин. Бу очрашу сезгә яңа фикерләр дә, яхшы хатирәләр дә алып килер. 

Кысла (22 июнь – 22 июль)
Йөрәгегез кушканны тыңлагыз. Башкаларның киңәше файдалы булса да, соңгы карарны үзегез кабул итегез. Кечкенә генә уңыш зур эшләргә дәрт өстәр.

Арыслан (23 июль – 23 август)
Бу көннәрдә кешеләр сезнең фикергә ешрак колак салыр. Шуңа күрә сүзләрегезне уйлап әйтергә тырышыгыз. Җылы мөнәсәбәт һәм елмаю күп кенә ишекләрне ачар.

Кыз (24 август – 23 сентябрь)
Өегездә яки эш урынында нидер үзгәртәсе килү теләге туар. Кечкенә генә яңалык та күңелне күтәрергә мөмкин. Иске әйберләрдән арыну өчен дә уңай вакыт.

Үлчәү (24 сентябрь – 23 октябрь)
Һәр эшне ашыкмыйча башкарсагыз, көткәннән дә яхшырак нәтиҗәгә ирешерсез. Кемдер сезнең ярдәмгә мохтаҗ булырга мөмкин. Изгелекнең әйләнеп кайтуын озак көтәргә туры килмәс.

Чаян (24 октябрь – 22 ноябрь)
Кызыклы тәкъдимнәрдән куркып баш тартмагыз. Алар арасында киләчәгегез өчен мөһим булган мөмкинлек яшеренергә мөмкин. Үз көчегезгә ышаныгыз, йолдызлар сезнең якта.

Укчы (23 ноябрь – 21 декабрь)
Юлга чыгасыгыз яки яңа урыннар күрәсегез килсә, бу теләкне кичектермәгез. Атна ахырында гаилә белән бәйле күңелле мәшәкатьләр көтелә.

Кәҗәмөгез (22 декабрь – 20 гыйнвар)
Хезмәтегезнең нәтиҗәсен күрергә озак калмады. Сабырлык күрсәткән өчен язмыш сезне бүләкләргә әзер. Үзегезгә артык эш йөкләмәгез, ял итәргә дә вакыт табыгыз.

Сукояр (21 гыйнвар – 18 февраль)
Көннәрегез гадәттәгедән җанлырак үтәр. Яңа танышлар, кызыклы сөйләшүләр сезгә илһам бирер. Бер уй күңелегезгә кереп калса, аны гамәлгә ашырырга курыкмагыз.

Балык (19 февраль – 20 март)
Кайчак бәхетне ерактан эзлибез, ә ул янәшәдә генә була. Бу көннәрдә якын кешеләрнең җылы сүзләре күңелегезне күтәрер. Күбрәк рәхмәт әйтергә һәм тормышның матур мизгелләрен күрергә тырышыгыз.

Чыганак