90 яшьлек Рәсим Гайнанов В. В. Путинның котлавына лаек булды

Лиана Рамил кызы юбилярга Россия Президенты В.Путин һәм район башлыгы Л. Зарипов исеменнән котлау хаты һәм күчтәнәчләр тапшырды.
 

Рәсим Габдрахман улы 1935 елның 16 ноябрендә Якты авылында туа. Совет Армиясе сафларында хезмәт итеп кайтканнан соң, ул гомерен авыл хуҗалыгына багышлый. Хезмәт юлын Рәсим абый механизатор булып башлаган һәм лаеклы ялга чыкканчы бу вазыйфада намус белән эшләгән. Аның намуслы хезмәте В. И. Ленинның тууына 100 ел тулу уңаеннан медаль һәм күп санлы мактау грамоталары белән билгеләп үтелә. Хатыны белән бергә алар биш бала тәрбияләп үстерәләр, алты оныгына һәм алты оныкчыкларының уңышларына сөенеп яшиләр.
 

Хөрмәтле Рәсим Габдрахманович! Юбилеегыз белән ихлас күңелдән котлыйбыз! Сезгә ныклы сәламәтлек, иминлек һәм гаилә бәхете телибез!