Ташкабак кушып пешерелгән белен

Камыр өчен 150 грамм ташкабак, 125 миллилитр сөт, 1 йомырка, 80 грамм он, 1 чәй кашыгы шикәр комы, тәменчә тоз, 1 аш кашыгы үсемлек мае, 5 грамм петрушка кирәк. Барлык ингредиентларны алдан әзерләгез. Ташкабакны яхшылап юыгыз һәм киптерегез. Ул бик өлгергән булса, кабыгын әрчегез һәм орлыкларын алыгыз. Аны эре угычтан чыгарыгыз, артык суын сыгыгыз. Йомырканы ташкабак янына сытыгыз. Шунда ук сөт, шикәр комы һәм тоз салыгыз. Бөтенесен блендер белән яхшылап болгатыгыз. Аннан үсемлек мае кушыгыз. Шуннан соң иләнгән он салыгыз. Камыр бик куе булырга тиеш түгел. Петрушканы ваклагыз һәм камырга кушыгыз. Беленнәрне кыздырылган табада пешерегез.

Ашларыгыз тәмле булсын!