Актаныш муниципаль районы башлыгы Татарстан Республикасының Яшьләр эшләре министрлыгы коллегиясендә чыгыш ясады
Актаныш муниципаль районы башлыгы Ленар Зарипов Татарстан Республикасының Яшьләр эшләре министрлыгы коллегия утырышында чыгыш ясады. Үз докладында район башлыгы Актаныш районында гамәлгә ашырылып килүче яшьләр сәясәтенең төп юнәлешләренә җентекләп тукталды. Аерым алганда, яшьләрне эш белән тәэмин итү, белем бирү системасын үстерү, патриотик тәрбия бирү, шулай ук яшь буынның файдалы һәм эчтәлекле ял вакытын оештыру мәсьәләләре яктыртылды.
Чыгышта яшь гаиләләргә ярдәм күрсәтү чараларына, яшьләр эшмәкәрлеген үстерүгә һәм яшьләрне районның иҗтимагый-сәяси тормышына актив җәлеп итүгә аерым басым ясалды. Бу юнәлешләрдә комплекслы эш алып баруның әһәмияте ассызыкланды.
Ленар Зарипов яшьләр проблемаларын хәл итүдә бердәм, системалы якын килү кирәклеген билгеләп үтте. Ул район хакимияте, җәмәгать оешмалары, мәгариф учреждениеләре һәм предприятие-оешмалар арасында тыгыз хезмәттәшлек урнаштырылуын, әлеге үзара эшчәнлекнең яшьләр программалары һәм проектларын нәтиҗәле гамәлгә ашыруда мөһим роль уйнавын әйтеп узды.
Чыганак: Актаныш-Хәбәр
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев