«Допризывник – 2026»: Актанышның «Батыр» спорткомплексында яшьләребез көч сынаша
Актаныш районының «Батыр» спорткомплексында хәрби-патриотик рухтагы «Допризывник» ярышлары башланды. Хәрби комиссар Кубогы өчен көч сынашуда 160 тан артык егет катнаша.
Бүген, беренче көнне, район мәктәпләренең 9 сыйныф укучылары көч сынаша. Иртәгә эстафетаны 10-11 сыйныф укучылары һәм технология техникумының 1-2 курс студентлары дәвам итәчәк.
Ярышларны ачу тантанасында катнашучыларны район башлыгы Ленар Зарипов сәламләде. Ул барлык егетләрне Ватан сакчылары көне белән тәбрик итте:
– Сез бүген алган белемнәр, күнекмәләр сезгә беркайчан да кирәк булмасын иде. Ләкин һәр ир-егет үз гаиләсен, үз илен сакларга әзер булырга тиеш. Ватанны саклау – изге бурыч, – диде Ленар Рафак улы һәм үзе дә егетләргә үрнәк күрсәтте, автомат сүтеп җыйды.
Ярышларның төп максаты – яшьләрне хәрби хезмәткә әзерләү, патриотик тәрбия бирү һәм сәламәт яшәү рәвешен пропагандалау.
Егетләргә уңышлар телибез! Көчлеләр җиңсен!
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев