Пучы авылы халкы Сабантуй батырларына бүләк җыйды

Яраткан халык бәйрәме-Сабантуй алдыннан Пучы авылында борынгы матур гадәтебезне искә төшерделәр, ярышлар җиңүчеләре өчен бүләкләр җыйдылар. Видео

Бу игелекле йола рухи күтәренкелек белән үтте: бүләкләр җыю дәртле халык җырлары, Сабантуйга, аның традицияләренә һәм Пучы халкының кунакчыллыгына багышланган шигырьләр уку белән үрелеп барды. 

Чараны оештыручы, Пучы мәдәният йорты директоры Илгина Нуретдинова авылдашларының активлыгына рәхмәт белдерде. 

 – Мондый ярдәм батырларга бүләк кенә түгел, ә милли тамырларыбызны, татар халкының мәдәниятен саклап калуга, гореф-гадәтләребезне киләчәк буыннарга тапшыруга өлеш кертү ул,- диде Илгина ханым. 

Бу йоланың әһәмияте, Сабантуйның үзе кебек үк, күпкырлы. Бу- иң яхшыларны котлау, аларга лаеклы бүләкләр тапшыру мөмкинлеге дә, җырлар һәм биюләр астында бергәләп күңел ачу өчен сәбәп тә. Әмма иң мөһиме- буыннар арасындагы тере элемтә!