Актаныш районы башлыгы Ленар Зарипов Эшмәкәрләр көне белән котлады

Үз эшеңне булдыру зур ихтияр көче, тәвәкәллек, иҗади активлык һәм күпмедер хыялый булуны да таләп иткән зур хезмәт. 

Нинди генә икътисади авыр чорда яшәсәк тә, сез социаль тотрыклылыкны тәэмин итүгә үзегездән саллы өлеш кертеп, мөһим һәм җаваплы эш башкарасыз. Район халкы өчен яңа эш урыннары булдырыла, яңа төр продукция җитештерелә, хезмәт күрсәтү төрләре арта. 

Иганәчелек юнәлешендә дә эшмәкәрләребезнең өлеше зурдан. 

Районыбыз өчен куйган хезмәтегез өчен сезгә ихластан рәхмәтемне җиткерәм.

Киләчәктә максатлардан тайпылмый, сәламәт булып эшләргә, яшәргә язсын. Ил-көннәребез тыныч, күкләребез аяз булсын. 

Бәйрәмегез белән!