Иске Кормаш авыл җирлеге башлыгы Дилбәр Вәлиева «Закон территориясе» конкурсында катнашып хөрмәтләнде

Конкурс республикада 2007 елдан Татарстан Республикасы буенча Эчке эшләр министрлыгы тарафыннан, 2012 елдан Татарстан Хөкүмәте химаясендә үткәрелә. Төп максаты - җәмәгать тәртибен тәэмин итү, яшьләргә хокукый тәрбия бирү һәм хокук бозуларны профилактикалау өлкәсендә иң яхшы тәҗрибәләрне ачыклау һәм тарату.

ТР Министрлар кабинеты җитәкчесе Алексей Песошин ассызыклаганча, республикада иҗтимагый иминлекне тәэмин итү дәрәҗәсе югары булып кала. Моңа хокук саклау структураларының, хакимият органнарының, бизнес вәкилләренең һәм актив гражданнарның үзара хезмәттәшлеге ярдәм итә. «Имин шәһәр» системасын да кертеп, иминлекнең алдынгы технологияләрен финанслауны һәм гамәлгә кертүне, тәртип саклау буенча җәмәгать пунктларына ярдәм итүне һәм хокук саклау органнары хезмәткәрләре өчен уңай шартлар тудыруны тәэмин итүче муниципаль берәмлекләр җитәкчеләренең роле аеруча зур.

Бәйге җиңүчеләре арасында Иске Кормаш авыл җирлеге башлыгы Дилбәр Вәлиева да бар. Ул «Авыл җирлеге территориясендә хокук тәртибен тәэмин итүгә керткән өлеше өчен» номинациясендә бүләккә лаек булды.