ЮХИДИ бүлеге «Актаныш-информ» хезмәткәрләрен хөрмәтләде

Журналист сүзенең үткенлеге һәрчак җәмгыятьтә тәртип саклауда, хокук бозу очракларын кисәтүдә әһәмиятле рольдә булган. Әлеге вакытта да редакциябез ЮХИДИ, аның профилактика бүлеге белән берлектә күләмле генә материаллар әзерли, кызу репортажлар һәм укымлы материаллар яза, фоторепортажлар аркылы тарих сәхифәләренә теркәп бара. Бүләкләргә безне Актаныш районы буенча ЮХИДИ башлыгы Ренат Шәмсиев һәм профилактика бүлеге җитәкчесе, даими авторыбыз Ләйсән Мөхәммәтова килгәннәр иде. Хезмәттәшләребез Айнур Гыймадиев, Регина Сәлахова, Ләйсән Газизова, Әлфия Мөхәммәтова, Фәния Рәшитова, Рузилә Хәсәнова, Марат Сәррахов, Альбина Солтанова, Юлай Низаев лаеклы бүләкләрен һәм Яңа 2023нче ел белән котлаулар кабул иттеләр. Безнең тырыш хезмәтебезне бәһалаган җитәкчеләргә олы рәхмәтләребез! Алда да бердәмлектә һәм иминлектә эшләргә язсын.