Татарстанда грипп һәм ОРВИ белән чирләүчеләрнең саны 11 процентка арткан

Төбәк буенча Роспотребнадзор идарәсе мәгълүматлары буенча, 2025 елның 15-21 декабрь аралыгында грипп һәм ОРВИ белән 25 640 очрак теркәлгән, бу билгеләнгән эпидемия чигеннән 11 процентка артык. Чирләүчеләрнең артуы барлык яшь төркемнәрендә дә күзәтелә.

Төп таралучы патоген булып A(H3N2) тибындагы грипп вирусы тора, диагноз куелгар очракларның 80%тан артыгы туры килә. Бу хәзерге эпидемия сезонында биредәге штаммның өстенлек итүен күрсәтә.

Шул ук вакытта, COVID-19 белән чирләү динамикасы уртача түбән дәрәҗәдә кала. Атна эчендә коронавирус инфекциясе белән 283 яңа очрак теркәлгән, бу  үткән ел белән чагыштырганда 48%ка якын түбәнрәк.

Эпидемиологик хәлнең начарлануы сәбәпле, Роспотребнадзор республика халкына саклану чараларын куллану кирәклеген искә төшерә: кешеләр күп урыннарда шәхси саклау чараларын куллану, кулларны ешрак юу һәм бүлмәләрне җилләтү, һава торышына карап киенү, сәламәт туклану режимын тоту. Чирнең беренче билгеләре сизелү белән, ашыгыч медицина ярдәме алырга кирәк.