«ТАТТЕЛЕКОМ» ПАО җитәкчесе Артур Сизов беренче сыйныфка барачак балаларга рюкзаклар тапшырды

26 август көнне "Мәктәпкә әзерләнергә булыш" акциясе кысаларында, "ТАТТЕЛЕКОМ" ПАО башлыгы Артур Геннадиевич Сизов яңа уку елы белән котлап беренче сыйныфка укырга керәчәк балаларга рюкзаклар бүләк итте.

Әлеге чара "Игелек үзәге" һәм район социаль яклау үзәгенең гаиләләргә һәм балаларга социаль ярдәм бүлеге белгечләре белән берлектә оештырылды.

Чарада катнашучылар аз керемле гаиләләргә ярдәм күрсәтүе өчен Артур Геннадий улына,"ТАТТЕЛЕКОМ" ПАО коллективына олы рәхмәтләрен җиткерделәр.