Актанышның истәлекле урыннары
Актаныш – Татарстанны, бөтен татар халкын дөньяга таныткан беренче президентыбыз Минтимер Шәймиевнең туган җире.
-
Актанышның «Геройлар» аллеясы
Тасвирлама: Актанышның «Геройлар» аллеясы – Актаныштагы «Җиңү паркы»нда урнашкан.
Адресы: Актаныш авылы, «Җиңү паркы»
-
Актанышның «Җәмигъ» мәчете
Тасвирлама: Актанышның «Җәмигъ» мәчете 2000 елның август аенда тантаналы төстә ачылды. Шул көннән башлап Җәмигъ мәчете районыбызга, халкыбызга иман нуры тарата. Бүген биредә гыйбадәт кылырга бөтен шартлар да тудырылган. Ул динебезгә, халкыбызга хезмәт күрсәтә, азан тавышы намазга дәшә. Укулар оештырыла, сафлар ишәя. Каникулларда балалар мәчеттәге дини аланнарга йөреп дин дәресләре ала.
Адресы: Актаныш авылы, Совет урамы, 22 а йорты
-
Сәүдәгәр Шаһгали Мохитов йорты
Тасвирлама: Сәүдәгәр Шаһгали Мохитовның XIX гасыр ахырында төзелгән йорты исә Актанышның гына түгел, ә Татарстанның кыйммәтле мәдәни мирас объектлары исемлегенә кертелде.
Адресы: Актаныш авылы, Үзәк урам, 38 нче йорт
Актанышка М-7 федераль юлы белән кунакка кайтучыларны, шулай ук районыбыз халкын, мәктәп укучыларын Татарстанның Беренче президенты, Россия Каһарманы Минтимер Шәймиевнең туган авылы Әнәк авылына чакырабыз.
Актаныш районының Әнәк авылы Россиядә, Татарстанда татар авылының иң үрнәк символы. «Бабайда кунакта» мемориаль комплексы Әнәк авылының иң матур, үзәк җиренә урнашкан. Мемориаль комплекс составында Татарстан Республикасының беренче Президенты, РФ Хезмәт Каһарманы, ТР Дәүләт Киңәшчесе, «Ватан алдындагы казанышлары өчен» орденының тулы кавалеры Минтимер Шәймиев һәйкәле, ял паркы, төзекләндерелгән һәм җәяүлеләр юлы булган яр буе, Гаилә агачы, республика халыкларының бердәмлеген символлаштыручы ротонда, Татарстанда Илбашы туган авыл күрсәтелгән карта, инфостендлар һәм арт-объектлар урын алган.
Шәрип Шәймиевнең музей-йорты – 2020 елда «Бабайда кунакта» мемориаль комплексы ачылганнан соң аның иң уникаль объекты санала. Илбашының мемориаль комплекс тупламасындагы ата-баба нигезе ул.
Актаныш районыннан 22 меңгә якын якташыбыз Бөек Ватан сугышы фронтларында батырларча көрәштеләр, 11655 кызылармияче яу кырларында башларын салды. Актанышлылар туган илебезне фашистлардан азат иткән ата-бабаларының исемнәре белән чиксез горурлана. Якташларыбызның батырлыгы алдында баш ияр өчен яшьләр дә, өлкәннәр дә һәрдаим «Җиңү паркы»ндагы «Геройлар аллеясы»на килә.
Мәчет манарасы – татар халкының төп символы. Бу символ – гасырлар аша үтеп сакланган акыл һәм иманның изге чыганагы. Һәр халыкка сынаулар һәм борчуларны җиңеп тормыш итү өчен иман кирәк. Актаныш авылында бүген халкыбызны намазга чакырып, күңелләрне яхшылыкка, чисталыкка өндәп дүрт мәчеттән азан тавышы яңгырый. Аларның иң абруйлысы – Җәмигъ мәчете.
Сәүдәгәр Шаһгали Мохитовның XIX гасыр ахырында төзелгән йорты исә Татарстанның кыйммәтле мәдәни мирас объектларының берсе.
