ҖӘМГЫЯТЬ ҺӘМ БЕЗ
БЕЗДӘ КУНАКТА: Иске Богады мәктәбе укучылары редакция эше белән танышты
Февральнең бүгенге салкынча иртәсендә редакциябез бала-чагаларның шат авазыннан, аларның безгә биргән күпсанлы сорауларыннан шау-гөр килеп торды. Вакытлы матбугат, радио, телевидение һәм гомумән, журналистика эшчәнлеге белән танышырга безгә Иске Богады авылыннан 1нче сыйныф укучылары килгән иде. Алар кызыксынып һәр юнәлеш белән таныштылар, күзләрендә – кызыксыну чаткылары балкыды.
Укытучылары Миләүшә Мулланур кызы Әхмәдуллина да мактау сүзләренә лаек. Халыкара туган тел көнендә, иртүк укучыларына, аларның әти-әниләренә шундый матур сәяхәт оештырган. Укучылар туган телдә, ана телендә ятлаган шигырьләрен тавыш яздыру студияләрендә дә яздыртып карадылар.
Ахырдан, балаларны үзебезнең яшь хәбәрчеләребез, актив хәбәрчеләребез сафын тулыландырып, мәктәп һәм авыл тормышы хакындагы язмаларын, хикәяләрен һәм нәсерләрен безгә җибәреп торырга үгет-нәсыйхатләр бирдек.
Следите за самым важным и интересным в Telegram-каналеТатмедиа
Галерея
Оставляйте реакции
Нет комментариев