Исереклек яхшыга илтми: Кибеткә машина белән килеп кергән...

«SHOT» «Телеграм» каналы мәгълүматы буенча, авария бүген иртән, сәгать җиденчедә, «Новогорск Парк» торак комплексында Иванов урамында килеп чыккан. Яллардан айнып җитмәгән 31 яшьлек водитель идарәне югалта һәм үзенең кызыл «Mercedes» машинасындп шәраб кибетенә бәрелә. Бәхеткә каршы, ул ябык булган әле. 

Авто янган, машина йөртүче котылып кала алган — аны авто бәреп кергән йортта яшәүче ир-ат тартып чыгарган. Юл-транспорт һәлакәтеннән соң зыян күрүчене хастаханәгә озатканнар. Аягы сынган, авыз куышлыгы сөягенә зыян килгән...

Ярый әле кибеткә генә... Әйтик, сез өйдә чәй эчеп утырасыз, ди. Ә йортыгызны кинәт машина җимерә... Интернет челтәрендәге язмаларны карасак, болай торак-кибетләргә машина белән барып менүчеләр булгалап тора икән... Шулкадәр эчмәгез инде, иптәшләр!