"Чәчер" басуларына икмәкне бизәкле трактор белән чәчәләр

               Милли бизәкләр төшерелгән МТЗ-1221 торакторы әллә каян үзенә җәлеп итә. Белоруссиядәнең Минск шәһәрендә җыелган мондый рәсемле техниканы 3 ел элек кайтартканнар. Яңа тракторны Айрат Фәхразыев иярли. 

-    Бу тракторны бар авыл халкы таный инде хәзер- әллә рәсемнәрен үзең ясадыңмы, диючеләр дә булды. Үземә дә матур техникага утырып эшләү рәхәт, кәефләр күтәрелә,-  ди Айрат.
   
 

  Айратның авыл хуҗалыгы тармагында эшли башлавына 18 ел. Ел саен язгы чәчүгә чыга, иртәннән кичкә кадәр басу-кырларны иңли. Төнге сменада алмашлап та чәчәләр. Урып-җыю вакытында Айрат комбайн штурвалы артында. Соңгы вакытта хуҗалыкның матди-техник базасы яңартылу механизаторларның йөрәгенә сары май булып ята. 

    Күрсәтмә карау вакытында "Чәчер" хуҗалыгының тракторларының ремонты, чиста, пөхтә булулары үрнәккә куелды. Биредә барлык техника да язгы кыр эшләренә әзер.