Кышка әзерлек – бүгенге көннең төп бурычы

«Кышның авызы озын», – диләр халыкта. Шуңа күрә салкын чорга әзерлекне бүгеннән үк, җәйнең аяз һәм эш өчен иң кулай вакытыннан башлап җибәрү аеруча мөһим. Терлек азыгы запасын җитәрлек күләмдә туплау һәм терлекчелек биналарын сыйфатлы итеп әзерләү – кышны имин, югалтуларсыз үткәрүнең төп нигезе. Бу мәсьәлә район хакимиятенең һәрвакыт игътибар үзәгендә һәм аерым контролендә тора.

Комиссия расланган график нигезендә түбәндәге юнәлешләрне бәяли:

• Терлек азыгы әзерләү барышы: печән һәм сенаж салуның темплары, азыкның сыйфаты;

• Төзекләндерү эшләре: терлек торакларының кышкы чорга әзерлеге һәм ремонт графигының үтәлеше;

• Техника паркы: урак өстендә катнашучы махсус техниканың техник торышы һәм куркынычсызлык таләпләренә җавап бирүе.

• 

Җитәкчеләр җаваплылыгы һәм беренче нәтиҗәләр

Һәр хуҗалыкта җитәкчеләр һәм белгечләр Актаныш районы башлыгы Ленар Зарипов авыл хуҗалыгы һәм азык-төлек идарәсе җитәкчесе Нәфис Сәлимгәрәевне билгеләнгән урыннарда каршы алып, башкарылган эшләр, агымдагы планнар һәм хәл итүне таләп иткән проблемалы мәсьәләләр турында җентекле мәгълүмат бирә.

Эшлекле сәфәр кысаларында беренчеләрдән булып «Нур» хуҗалыгы һәм «Актаныш» агрофирмасының кышка әзерлек дәрәҗәсе каралды. Әлеге предприятиеләрдә:

1. Эшнең югары дәрәҗәдә оештырылуы,

2. Заманча техника белән тәэмин ителеш,

3. Алдынгы технологияләр кулланып сыйфатлы азык запасы булдыру буенча башкарылган чаралар уңай бәя алды.

Хәзерге вакытта районның башка хуҗалыклары да комиссия килүенә әзерлек эшләрен алып бара. һәр коллектив кышлату чорына сыйфатлы нигез салуның җаваплылыгын яхшы аңлый.

Алдагы бурычлар – игътибар үзәгендә

Алда торган бурычлар зур һәм җаваплы: кышлату чорына җитәрлек күләмдә туклыклы азык әзерләргә, терлекчелек биналарын тулысынча ремонтлап бетерергә һәм эш процессының өзлексезлеген тәэмин итәргә кирәк.

Район җитәкчелеге әлеге эшләрнең барышын даими контрольдә тотачак һәм хуҗалыкларга кирәкле методик һәм гамәли ярдәм күрсәтүне дәвам итәчәк. Чөнки бүген җәйге көннәрдә салынган ныклы нигез – иртәгәге уңышның һәм район агросәнәгать комплексы тотрыклылыгының ышанычлы гарантиясе.