Язгы кыр эшләре көндәлегеннән

Район авыл хуҗалыгы һәм азык-төлек идарәсеннән 10 май көненә алынган оператив мәгълүматларга караганда, әлеге көнгә район буенча бәрәкәтләндерәсе 56489 гектар мәйданның 44486 гектарында хезмәт куелып, башкарылган хезмәт 80 процент тәшкил итә. Хуҗалыклар буенча караганда, соңарып баручылар юк, барысы да уңай һава шартларыннан тулысынча файдаланып, тулы куәткә эшләделәр. Саннарда күренгәнчә, бүген-иртәгә "Чишмә", "Тамыр", "Ташкын", "Эконом" ҖЧҖләре дә чәчүне тәмамлаганнар сафын баетачак. Билгеле, өстәп яисә бозып чәчү ихтыяҗы булган мәйданнар да шактый. Әмма шулай да, быелгы чәчү кампаниясе узган еллардагылары белән чагыштырганда, күпкә иртәрәк тәмамланыр, дип фаразлана.