«Умырзая» балалар бакчасында Җиңү көне: якты хәтер һәм яшь талантлар

Педагогларыбыз әзерлеккә зур җаваплылык һәм ярату белән килделәр. Балалар бакчасының тәрәзәләре тынычлык һәм хәтер символлары белән бизәлгән чын "җиңү тәрәзәләренә" әверелде. Балалар шигырь һәм җырларны бик тырышып өйрәнделәр. Ә иң мөһиме, педагоглар Бөек Ватан сугышы турында әңгәмәләр үткәрделәр, ата-бабаларыбызның батырлыгы һәм фидакарьлеге турында сөйләделәр.

Бәйрәм мәктәпкә әзерлек төркеменең тантаналы маршы белән башланып китте. Аларның ышанычлы адымнары горурлык турында  сойли иде. Аннары сугыш турында дәртле дә, бер үк вакытта моңсу да җырлар һәм шигырьләр яңгырады.

Балаларның чыгышы күңелне нечкәртте. Аларның яңгыравыклы, мәгънәле тавышлары аеруча тәэсирле яңгырады, безгә зур корбаннар бәрабәренә яуланган җиңүне истә тотуның һәм кадерләүнең мөһимлеген искә төшерде.

Нәни балаларыбызга карап, без Җиңү турындагы истәлекнең яңа буыннарда яшәвен һәм яшәячәген күрәбез.