Аккүздә махсус хәрби операциядәге райондашларыбызга ярдәм йөзеннән «Без бергә» хәйрия концерты булды

 "Без бергә" хәйрия концертын Аккүз авылында да һөнәри техникум укытучысы, яраткан артистыбыз Рөстәм Мусин алып барды. "Без бергә" артистлары белән бергә Аккүз үзешчәннәре дә сәхнә тотты. Шулай ук Кәзкәй, Иске Байсар авылларыннан да җырчы-биючеләр килгән иде.

Менә шундый оста, талантлы сәхнә әһелләренең чыгышын аккүзлеләр бик яратты. 

Хәйрия концертына чакырганда без билет бәясен төгәл куймадык. Авылдашларыбызның күңелләре киң, бу юлы да алар махсус хәрби операциядәге егетләребез өчен үзләреннән зур өлеш керттеләр. Концерт карарга килә алмаганнары клуб хезмәткәрләренә акча тапшырып китте,- ди Аккүз авыл җирлеге башлыгы Галина Ибраһимова.