Актаныш районы башлыгы Ленар Зарипов Диңгезчеләр көне белән котлады

Бу көн - Ватаныбызны саклауга матрос-моряк формасында үзләрен аямыйча, утта һәм суда чыныгып, авырлыкларга бирешмичә хезмәт итеп лаеклы өлеш керткән чын ир-егетләр бәйрәме.

Диңгезчеләр тыныч тормышта да флоттагыча дус, бердәм, хезмәттә дә, гаиләдә дә ирләрчә нык, матур яшәү рәвеше алып бара. Диңгезче ветераннарны, хәзер флотта Ватан алдындагы бурычларын үтәүчеләрне, хәрби хезмәтләре диңгез белән бәйле булган һәркемне зур тарихы булган истәлекле дата белән котлыйм, нык сәламәтлек, иминлек, татулык, бәхет телим.

Бәйрәм белән!