Илебезнең 18 регионынан килгән милләттәшләребез татар әдәбияты һәм мәдәнияты белән якыннан танышты

"Бүләк" аланында ял иткән балалар бүген язучылар белән очрашты. Илебезнең 18 регионынан килгән милләттәшләребез татар әдәбияты һәм мәдәнияты белән якыннан танышты. 

Кызыклы очрашу "Яшьлек" үзәгендә оештырылган иде. Биредә Татарстан Язучылар берлеге рәисе Ркаил Зәйдулла, шагыйрьләр - Рәдиф Гаташ, Марсель Галиев, Мөхәммәт Мирза, Лилия Гыйбадуллина, Факил Сафин, Әнвәр Шәрипов, язучы якташыбыз Әлфия Ситдыйкова катнашты.