21 мең акчасыннан колак каккан

Социаль челтәрләрдә Яр Чаллыда яшәүче хатын-кызның игътибарын савыт-саба юу машиналарын сату акциясе җәлеп иткән. Машина йөртүче булып эшләүче 49 яшьлек хатынга тәкъдим ителгән бәяләр ошаган һәм ул сылтама буенча узган. Онлайн-заказны ясап, бу ханым күрсәтелгән счетка 21 мең сум күчергән.

Бераздан ул товар кайчан көтәргә икәнен белергә була. Әмма шалтыратса, мондый заказлары юк дип җавап бирүенә гаҗәпләнә. Мөгаен, сатып алучы алданган, «көзге» сайтка эләккән, дип әйтәләр аңа. Чыннан да шулай була.

Полициядә зыян күрүче гаризасы буенча РФ Җинаять кодексының 158 «Урлау» маддәсе буенча җинаять эше ачканнар.

Бу хакта «Челнинские известия» сайтында коллегаларыбыз яза.