Балаларны автокреслосыз йөрткән таксистларга штрафлар 50 мең сумга кадәр арттырыла

Төзәтмәләр закон проектының икенче укылышына хупланган. Аларга ярашлы, балаларны автокреслосыз йөрткән өчен үзмәшгуль таксистларга штраф 5 мең сум түгел, ә 50 мең сум күләмендә билгеләнәчәк.

Гомумән алганда, тәкъдим ителгән үзгәрешләр түбәндәге штраф күләмен арттыруны күздә тота:

• йөртүчеләр өчен — 3 мең сумнан 5 мең сумга кадәр;

• вазифаи затлар өчен — 25 мең сумнан 50 мең сумга кадәр;

• юридик затлар өчен — 100 мең сумнан 200 мең сумга кадәр.

Әлеге үзгәрешләр Россия Федерациясе Административ хокук бозулар кодексының 12.23 статьясы 3 өлешенә кертелергә тиеш.

Закон чыгаручылар билгеләп үткәнчә, әлеге чаралар балалар иминлеген арттыруга юнәлдерелгән һәм пассажир ташу өлкәсендә җаваплылыкны көчәйтүне максат итеп куя.