Рульдә — исерек, башында — җил: Актанышта кеше гомерен чүпкә санаучылар арта!
Актаныш юлларында чираттагы «каһарман» пәйда булды. Юк, батырлыгы белән түгел, ә үзенең чиктән ашкан җавапсызлыгы белән җәмәгать хөкеме каршына басты ул. Мөхтабаров Рөстәм Наил улы руль артына утырганда, юлында балалар, безнең өлкән яшьтәге әти-әниләр, якыннарыбыз очрарга мөмкин икәнен уйладымы икән? Шактый шикле. Исерек йөртүче — ул потенциаль үтерүче, моны барыбыз да яхшы аңлый.
Ярый әле хокук сакчылары уяу булган, фаҗигане кисәтеп кала алган. Бу эш туп-туры Актаныш районының 2 нче җәмәгать суды участогына барып җитте. Теге дөньяга билет таратучы әфәнденең «эше» 24 майда җентекләп каралды һәм 4 июньдә хөкем карары үз көченә керде. Нәтиҗәсе күз алдында: гаебе тулысынча исбатланды, качар җире калмады!
Судның җәзасы катгый:
-
45 000 сум штраф (кесәгә шактый сугачак!);
-
1,5 елга машина йөртү таныклыгы белән хушлашырга туры киләчәк. Хәзер ел ярым җәяү йөреп, кылган гамәлләре турында уйланырга вакыты җитәрлек булачак.
Уйланыгыз! Юллар — ул компьютер уены түгел, монда «яңадан башлау» төймәсе юк. Бер минутлык исереклек дулкыны дистәләрчә кешенең гомерен өзәргә, гаиләләрне кара кайгыга салырга мөмкин.
Дуслар, райондашлар! Тезгенне катырак тотарга вакыт. Мондый хәлләргә күз йомып яшәргә ярамый. Әгәр юлда исерек идарәче күрәсез икән — дәшми калмагыз. Үзебезне һәм якыннарыбызны саклыйсы килсә, юл кагыйдәләрен төгәл үтәргә һәм бер-беребезгә карата таләпчән булырга тиешбез. Сез моңа нәрсә дисез? Кесәгә сугу гына җитәме, әллә җәзаны тагын да кырыслатырга кирәкме?
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев