Табигый детоксикация рецептлары

1. Алма һәм дарчин.

Бер алманы нечкә итеп турагыз һәм 500 миллитр чиста су салыгыз, 1 бал кашыгы вакланган дарчин кушыгыз, суытыгыз һәм көн дәвамында эчегез. Алма белән тарттырылган дарчинны берләштерү сезгә матдәләр алмашын нормальләштерергә һәм ашкайнату трактын чистартырга ярдәм итәчәк.

2. Лимон согы һәм бал

2 аш кашыгы яңа сыгылган лимон согын 200 миллитр җылы су белән болгатыгыз, 1 бал кашыгы  бал, бер чеметем вакланган имбир кушыгыз. Ач карынга, иртәнге ашка ярты сәгать кала эчәргә. Бу ашкайнату системасын чистартырга, кан тамырларының стеналарын ныгытырга һәм организымны энергия белән тулыландырырга ярдәм итә.!

3. Имбир эчемлеге

Аз гына имбир тамырын (3-4 сантиметр) кабыгыннан чистартырга һәм вак итеп турарга, 1 литр кайнар су салырга, кайнатырга һәм уртача утта 10 мин пешерергә, сөзәргә. Суынгач, бер чеметем вакланган дарчин һәм берничә аш кашыгы гөлҗимеш сиробы өстәгез. Ашарга ярты сәгать кала көн дәвамында 100-150 миллитр эчәргә. Ашкайнату, матдәләр алмашы нормага китерә.

4. Чөгендер суы

1 чөгендердән, 2 алмадан һәм 4 сабак сельдерейдан яңа сыгылган сок әзерләгез, ашарга ярты сәгать кала 1 аш кашыгы көнгә 2 тапкыр (иртән һәм кичен) эчегез.

5. Сәламәтлек коктейле

1 әфлисун, 1 лимон һәм 1 кишердән яңа сыгылган сок әзерләгез, 100 миллитр минераль су белән кушыгыз. Ач карынга ашарга ярты сәгать кала эчегез. Бу коктейль арудан бик яхшы чара, анда антиоксидантлар күп.

6. Кыяр һәм сельдерей

1 кыярны һәм 1 сельдерей тамырын ваклагыз, 300 миллитр су өстәгез. Көн дәвамында эчегез.