24 декабрьдә Татарстанга -33 градуска кадәр көчле салкыннар килә
Татарстан территориясенә 23 декабрь көнне арктик һава массалары кискен суыту алып киләчәк. Көндез салкын атмосфера фронты республика аша узып, кар явуы, буран һәм бозлавык белән бергә һава температурасының тиз төшүенә сәбәп булачак.
Иртән һава температурасы -7 градус тирәсе булыр дип фаразланса, кичкә таба термометр баганалары -17 градуска кадәр төшәчәк, ә республиканың көнбатыш һәм төньяк районнарында -24 градуска кадәр суытачак.
Салкыннарның иң югары ноктасы алдагы көннәргә туры килә. 24 декабрьгә каршы төндә һава температурасы -30 градуска кадәр төшәр дип көтелә, ә аяз төннәрдә кайбер урыннарда -33 градуска кадәр суыту ихтималы бар. Чәршәмбе көндез температура -18дән -23 градуска кадәр булачак.
Синоптиклар иң көчле салкыннарны пәнҗешәмбе һәм җомга төннәрендә көтә. Бу вакытта республиканың көнчыгыш районнарында һава температурасы -33 градуска кадәр төшәргә мөмкин.
Метеорологлар фаразлавынча, чираттагы атмосфера фронты гына һава торышын йомшарта алачак. Ул 26 декабрь, җомга көнне кичкә таба килеп, температураны төбәк өчен гадәти булган -6дан -11 градуска кадәр күтәрәчәк. Шул вакытка кадәр республика халкына катлаулы һава шартлары аркасында аеруча сак булырга киңәш ителә.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев