Бүгеннән Җирне көчле магнит дулкыннары каплый

Кояшта берьюлы ике көчле шартлау булган, нәтиҗәдә 29 июльдән җирне көчле магнит дулкыннары каплый. 

29-31 июль көннәрендә Җиргә зур плазма болытлары төшәчәк. Планетаның магнитосферасы өч көн дәвамында тыныч булмаячак. Магнит давылы 1 августта гына басылачак, аның иң зур активлыгы 30 июльдә 19:00 сәгатьләр тирәсенә фаразлана. 

Магнит давылларына бәйле кешеләргә бу көннәрдә күбрәк су эчәргә, тоз куллануны киметергә, йокыны туйдырырга һәм организмга артык көчәнеш йөкләмәскә киңәш итәләр. Җирнең көнчыгыш ярымшарында поляр балкышлар да булырга мөмкин.