Яшьләр көнендә Актанышның чыгарылыш сыйныфы укучыларын «Ялкын» кавер- төркеме котлаячак
Чәчәкле июнь яшьлекнең үзе кебек- бар дөнья матур сафлыкка төренгән, хәтта юкә чәчәкләреннән бал тама. Кызлар, егетләрнең дә иң матур, көчле, дәртле чаклары. Нәкъ шундый чорда Россиядә зурлап яшьләр көне билгеләп үтелә. Актанышта бу атнаның шимбәсендә, 28 июнь көнне Яшьләр көне белән бергә районкүләм чыгарылыш кичәсе узачак.
Яшьлек бәйрәменең төп хедлайнеры- "Ялкын" кавер- төркеме. Бәйрәм программасында чыгыш ясаячак әлеге төркемнең музыканты Илдар Харисов безнең якташыбыз, Актаныш егете. Илдар Камал театрында тавыш режиссеры булып та эшли.
Хөрмәтле актанышлылар! Сезне «Яшьлек» яшьләр үзәге янындагы мәйданда булачак матур бәйрәмдә көтеп калабыз!
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев