Үзеннән зуррак җәен балыгы тоткан

Социаль челтәрдәге сәхифәсендә гаҗәеп яңалык белән балыкчы Сергей Дмитриевның хатыны Елена уртаклаша. Ул да, ире кебек үк, балык тоту белән мавыга, дип яза «Чистай-информ».

«Бу җәен балыгының, кармак саңакка туры килеп эләккәнлектән, исән калу мөмкинлеге юк иде, шуның өчен аны тартып чыгарырга кирәк булды. Ярты сәгать кайнашканнан соң, ниһаять, балыкны тартып чыгардык. Балыкның бер өлешен саттык, бер өлешен якыннарыбызга өләштек, бер өлешен суыткычта катырып куйдык», – дип белдергән балыкчының хатыны.