Бүген бишкөнлек кыр җыеннары тәмамланды

Ләйсән ГАЗИЗОВА, 30 май 2023 - 14:10

704

Районыбыз мәктәпләренең 10 сыйныфында укучы 46 егет бу көннәрдә хәрби әзерлек мәктәбен үтте. Бишкөнлек кыр җыеннарында физик яктан сыналдылар, спорт уеннарында катнаштылар. Бүген исә егетләр Актанышның беренче санлы мәктәбе базасында соңгы имтиханнарын тапшырды.

Тормыш иминлеге укытучылары җитәкчлегендә җыенда катнашучылар АК-74 автоматын сүтеп җыйды. Гомуми саклау комплекты төзелеше белән таныштылар, хәрби медицина теориясе буенча белемнәрен тикшерделәр. Хәрби җыенның исеме җисеменә килеп торды- бүген укучылар стройда йөреп әзерлекләрен дә күрсәтте.