Районның педагог-психологлары киңәште

Ләйсән ГАЗИЗОВА, 13 гыйнвар 2023 - 13:45

741

Район үзәге балалар бакчалары һәм мәктәпләре, шулай ук кадет- интернат, технология техникум, Такталачык коррекцион мәктәбендә барысы 13 психолог эшли. Бүген әлеге һөнәр ияләре балалар иҗат үзәгендә урнашкан «Ихлас» психология үзәгендә киңәшмәдә үзара тәҗрибә уртаклаштылар.

Педагог-психологлар "Баланы үз үрнәгеңдә тәрбияләү" темасына чыгыш тыңлады, тренинглар үткәреп, мастер-класслар уздырып кече яшьтәгеләр, мәктәп укучылары белән тагы да нәтиҗәле эшләү турында киңәштеләр.

Мондый тәҗрибә уртаклашу айга ике тапкыр оештырыла. Шулай ук педагог-психологлар балалар белән "Ихлас" үзәгенә килеп тә шөгыль дәресләр үткәрә.

13 февральдә "Педагог-психолог" педагогик конкурсының муниципаль этабы булачак. Бәйгедә район мәктәпләре һәм балалар бакчаларында эшләүче барлык педагог-психологлар катнаша.