Яңгыраячак соңгы кыңгырау!
Соңгы кыңгырау... Мәктәпне тәмамлаган шушы көннең кабатланмас хатирәләрен, дулкынландыргыч мизгелләрен кайсыбыз гына кадерләп йөрәк төпкелендә йөртми икән дә, кайсыбыз гына җитәкләп белем дөньясына алып кергән беренче укытучыларын, кыңгыраулы мәктәп елларын сагынып искә алмый икән?!
24 май - Актаныш мәктәпләрендә соңгы кыңгырау чыңлаячак. Бу - барлык гомуми белем бирү мәктәпләрендә укулар бетүен һәм укучыларның җәйге каникулга таралуын аңлата. Барлык укучылар өчен дә Соңгы кыңгырау бәйрәмен зарыгып көтеп ала. Әлеге бәйрәм күңелләргә бераз моңсулык та өстәп җибәрүчән.
Агымдагы елны бездә 324 укучы 9 нчы сыйныфны, 91 укучы 11 сыйныфны тәмамлый.
Следите за самым важным и интересным в Telegram-каналеТатмедиа
Нет комментариев