Беренче тапкыр, беренче сыйныфка: Мәктәпкә баручы укучыга букча алу тәртибе

Беренче сыйныф укучысы өчен букчаны дөрес сайлау өчен берничә төп моментны исәпкә алырга кирәк:
1. Букчаның күләме. Мәктәп сумкасын сатып алган вакытта, һичшиксез, аны  балага кигертеп карага кирәк. Ул күләме буенча балага туры килергә һәм аның буена туры килергә тиеш. Югары өлеше җилкәләрдән дә биек булырга тиеш түгел, ә аскы өлеше билдән аста булмасын. Букчаның биеклеге, уртача алганда, 30 см булырга тиеш, төбе каты булсын. Беренчедән, каты төпле сумка баланың биленә басым ясамаячак, икенчедән, аны горизонталь өслеккә куярга уңайлы булачак.
2. Букчаның авырлыгы. Беренче сыйныфта да укучыларга үзләре белән бик күп дәреслекләр, дәфтәрләр, канцелярия кирәк-яраклары йөртергә туры килә, бу кайчагында сумканың авырлыгын 2-3 килограммга кадәр җиткерергә мөмкин, шуңа күрә букчаны сайлаганда максималь җиңел булганына өстенлек бирергә кирәк. Беренче сыйныф укучылары өчен буш букчаның авырлыгы 600-700 граммнан артмаска тиеш, ә урта һәм өлкән сыйныф укучылары өчен – 1000 граммнан артмаска тиеш.
3. Анатомик формасы, конструкциясе. Укучылар букчалары, бигрәк тә кече мәктәп яшендәге балалар өчен анатомик үзлекләргә ия булырга тиеш. Букчаны сатып алган вакытта, һичшиксез, каешларына һәм фурнитурасына игътибар итәргә кирәк. Лямкалар киң (4-5 см) һәм йомшак булырга тиеш, алар бала җилкәсенә басым ясамасын, ә аркадагы йөкләнешне тигез бүлсен өчен. Каешлары беркетелә һәм көйләнә торган фурнитура югары сыйфатлы металл яки пластиктан булырга тиеш. Каешлар һәм ныгытмалар бала мөстәкыйль рәвештә, чит кеше ярдәменнән башка аны кия һәм сала алырга тиеш, йозакларны ачу мөмкин кадәр уңайлы булырга тиеш.
4. Ныклылыгы, уңайлыгы. Букча су үткәрми торган, ныклы материалдан булса әйбәт, аның өслеге дым үткәрмәсен. Тик шул ук вакытта эчке ягы (бүлекләре арасында) һава циркуляциясе булырга тиеш.
5. Куркынычсызлык. Укучылар букчаларында һәм портфельләрендә алгы өлешендә, ян өслекләрендә һәм югары клапанында яктылык кайтаргыч элементлары урнаштырылырга тиеш. Яктылык кайтаручы элементлар булу машина йөртүчеләргә караңгы вакытта юл аркылы чыга торган баланы күрергә ярдәм итә һәм шуның белән балаларның тормышы һәм сәламәтлеге өчен куркынычсызлык тәэмин итә.
6. Озату документлары (күн-галантерия эшләнмәләренә туры килү-килмәү турында декларация) - баланың сәламәтлеге өчен мәктәп ранецларының куркынычсызлыгына гарантия булып тора. Мәктәп букчалары техник регламент таләпләренә туры килергә һәм маркировкага ия булырга тиеш.
Продукцияне маркировкалау дөрес, тикшерелә торган, укыла торган, карау һәм идентификацияләү өчен уңайлы булырга тиеш. Продукциянең маркировкасын әйбергә, этикеткага яки товар ярлыгына, эшләнмәнең төрелешенә, төрелмәсенә яки продукциягә ясала.
Продукцияне маркировкалау түбәндәге мәгълүматны үз эченә алырга тиеш:
- продукция җитештерелгән ил исеме;
- җитештерүченең (җитештерүче вәкаләтле затның), импортерның, дистрибьюторның атамасы һәм урнашу урыны;
- эшләнмәнең атамасы һәм төре (билгеләнеше);
- җитештерү датасы;
- базарда бердәм мөрәҗәгать итү билгесе;
- продукциянең хезмәт итү вакыты (кирәк булганда);
- гарантияле хезмәт итү вакыты (кирәк булганда);
- товар билгесе (булганда).
Мәгълүмат рус телендә тәкъдим ителергә тиеш. Чит илдән кертелгән продукция өчен продукция җитештерелгән ил исеме, җитештерүченең исеме һәм аның юридик адресы булу рөхсәт ителә. Уңышлы сатып алулар телибез.

Татарстан Республикасы Дәүләт алкоголь инспекциясенең
 Яр Чаллы территориаль органы