“Халык участковые“

"Халык участковые" исемле Бөтен-россия күләмендәге бәйге Россия Эчке эшләр министрлыгы тарафыннан игълан ителгән иде. Аның йомгаклау этабы 5-14 ноябрьдә үтә. Ул "Комсомольская правда" газетасының (www.kr.ru) Интернет-сайты аша онлайн-сайлау режимында башкарыла. Йомгаклау этабында ТР буенча Эчке эшләр министрлыгы данын икенче этап җиңүчесе Россия ЭЭМ Түбән Кама районы буенча идарәсенең полиция өлкән участок вәкиле, полиция капитаны - В.А.Зайцев яклаячак. Республика данын яклауда сез дә үзегезнең тавышыгызны бирә аласыз.