РӘСМИ ХӘБӘР: Актаныш авыл хуҗалыгы идарәсе башлыгы Дәниф Харисов рәсми төстә  лаеклы ялга китте

Татарстан Республикасы Премьер - министры урынбасары - Татарстан Республикасы Авыл хуҗалыгы һәм азык-төлек министры Марат Әхмәтов Дәниф Әсрар улына  министрлыкның Рәхмәт хатын тапшырды. Актаныш районы авыл хуҗалыгы һәм азык-төлек идарәсе дилбегәсен  15 елга якын ышанычлы, ныклы кулларда тоткан җитәкче үзенә күрсәтелгән хөрмәт өчен рәхмәт сүзләрен җиткерде һәм  хезмәттәшләренә эшләрендә уңышлар теләде.