Ялларга: Шоколадлы маффин рецепты

Продуктлар (якынча 16 маффин өчен): 170 гр. шоколад; 2 эре йомырка; 240 мл. кефир; 60-ар гр. атланмай һәм үсемлек мае; 280 гр. он; 70 гр. какао; 220 гр. шикәр; 1/2-әр чәй калагы разрыхлитель һәм сода; бер чеметем тоз.

Онны 2-3 тапкыр иләргә (ул яхшы күтәреләчәк), башта коры ингредиентларны, арытаба сыекларын кушарга. Иң соңыннан шоколад өстәргә. Камыр ясап, формаларга салырга һәм духовкага куярга. Тәүдә температураны 220 градуска кадәр җиткереп, 4-5 минут тотарга. Соңыннан 180 градуска төшереп, маффиннар әзер булганчы 15-20 минут пешерергә. Өстен карамель белән бизәргә мөмкин. Аны ясау өчен 220 гр. 33 процентлы җылы сливки; 225 гр. шикәр; 100 гр. атланмай; 1/2 чәй калагы тоз кирәк. Шикәрне калын төпле савытта гәрәбә (янтарный) төскә кергәнче эретергә. Шуннан кисәкләргә бүленгән салкын май кушарга, катнашманы бутап торырга, арытаба кайнар сливки һәм тоз салырга. Карамель әзер.