«Нәмәкәй» командасы «Әйдә, шаяРТ» татар КВН лигасының финал уеннарына чыкты
Татарстанда шаулап-гөрләп «Әйдә, шаяРТ» татар КВН лигасы уеннары бара. Әлеге уен-көлкеле көч сынашларда Актанышның «Нәмәкәй» командасы да зур тырышлык куеп катнаша.
Һәр уен ныклы әзерлек таләп итә. Чөнки командалар барысы да көчле, амбицияле, харизмалы. Бу матур чараларга яңа образлар, яңа фикерләр, яңа уйланулар белән килә яшьләребез.
Шушы көннәрдә КВН лигасының ярымфиналы узды, анда Актаныш, Алабуга, Арча, Саба, Тукай районнарыннан, Казан шәһәреннән КВН командалары катнашты.
Актанышның «Нәмәкәй» командасы «Әйдә, шаяРТ» татар КВН лигасының ярымфиналында 1 урынны яулады һәм финал уеннарында чыгыш ясау хокукы алды. Афәрин, "Нәмәкәйләр"ебез! Киләсе уеннарда да уңышлар, кызыклы темалар сайлап аны тамашачыларның хушын алырлык итеп ачуыгызны теләп калабыз!
Следите за самым важным и интересным в Telegram-каналеТатмедиа
Нет комментариев