Татар Суыксуы авыл җирлеге башлыгы Гүзәлия Хамматуллина «Татарстан Республикасында җирле үзидарәне үстерүдәге казанышлары өчен» медале белән бүләкләнде

18 декабрьдә район башлыгы Ленар Зарипов җитәкчелегендә Актаныш районы делегациясе "Татарстан Республикасы муниципаль берәмлекләре Советы" Ассоциациясенең утырышында катнашты.

Бу мөһим утырышта Татарстан Республикасы Рәисе Рөстәм Миңнеханов Татар Суыксуы авыл җирлеге башлыгы Гүзәлия Хамматуллинага «Татарстан Республикасында җирле үзидарәне үстерүдәге казанышлары өчен» медален тапшырды.

Хөрмәтле райондашыбыз Гүзәлия Гыйлемгали кызы!

Сезне әлеге дәрәҗәле бүләккә лаек булуыгыз уңаеннан ихластан котлыйбыз, җаваплы хезмәтегездә уңышлар телибез!