Һава торышы җылыта: Су басудан сакланыр өчен капка алларындагы торбаларны чистартырга онытмагыз!

Бүген язгы ташудан килгән зыянны киметү максатыннан район башкарма комитеты җитәкчесе Рөстәм Ильясов  җитәкчелегендәге комиссиянең чираттан тыш утырышы узды. Утырыш эшендә районыбызны су басуларга дучар итмәү буенча мөһим эшләр билгеләнде. 

Җирлек эчендә торбаларның чистартылуына – авыл җирлеге җаваплы, ә ихатасы каршындагы торбасын йорт хуҗасы үзе чистартырга тиеш. Кайберәүләрнең торбалары чистартылмаган очракта хуҗалар гына түгел, башка авылдашлар, күрше-тирәдә яшәүчеләр дә зыян күрә. Агымсу юлын таба алмыйча җәелеп, башка ихаталарга үтеп керә, йорт, ишегалдындагы корылмаларга, бакчаларга су җәелә. 

Иң тәүге максат– су агып китүче канауларны, су чыгучы торбаларны, күперләрне  чистарту һәм ремонтлау. Кичекмәстән авыл халкына һәм шәхси йортларда яшәүчеләргә канаулар казырга, өй тирәсен кардан чистартырга кирәк. 

Барлык хезмәтләр, халык үзе язгы ташуга бик җитди карап, зыянны булдырмый калу өчен тырышырга бурычлы.