Хәвеф-хәтәргә юл куймыйк
«Умырзая» балалар бакчасының зурлар төркеме балалары Актаныштагы 103 номерлы янгын сүндерү бүлеге эшчәнлеге белән таныштылар
Умырзая балалар бакчасының зурлар төркеме балалары Актаныштагы 103 номерлы янгын сүндерү бүлегенә экскурсиягә бардылар.
Экскурсия вакытында балалар янгын сүндерүчеләрнең киемнәре, җиһазлары, инструментлары, машиналары белән таныштылар. Шулай ук диспетчер бүлмәсендәге эш барышы белән дә таныштылар.
Янгын чыгу хәбәре беренче булып диспетчерга хәбәр ителүен балалар экскурсия вакытында белделәр. Балалар үзләрен кызыксындырган сорауларына җавапларын алгач, янгын сүндерүче хезмәтенең никадәр авыр һәм җаваплы булуын аңладылар.
Экскурсия балалар өчен истәлекле, күңелле булды һәм уңай тәэсирләр генә калдырды.
Следите за самым важным и интересным в Telegram-каналеТатмедиа
Нет комментариев