Юл иминлеген тәэмин итүчеләребез иҗатта да көчлеләр

                 Шушы көннәрдә сәнгати иҗатка сәләтлеләр республика смотр бәйгесендә чыгыш ясады. Актаныш районы юл хәрәкәте иминлегенең пропаганда бүлеге җитәкчесе Ләйсән Мөхәммәтова үзенең улы, сәләтле балалар өчен гуманитар гимназия укучысы Билал Мөхәммәтов һәм инспектор Алия Исламова  "Нәфис сүз" номинациясендә катнашып мактаулы урыннарга лаек булды. Алия Рәфит кызы һәм Билал Салават улына III урын, ә Ләйсән Рәдиф кызына IV урын бирелде.

Райондашларыбыз дипломнар, акчалата бүләкләр белән хөрмәтләнделәр. Татарстан Республикасының юл хәрәкәте иминлеге баш дәүләт инспекторы Рөстәм Гарипов һәм «Юл хәрәкәте иминлеге» ДБУ директоры Рифкать Миңнеханов имзалаган дипломнарны җиңүчеләргә район ЮХИДИ башлыгы Ренат Шәмсиев тапшырды.

           ЮХИДИ хезмәткәрләрен, аларның газизләрен төрле яклап үсешкә омтылулары, югары үрләргә ирешүләре уңаеннан котлыйбыз, уңышларыгыз дәвамлы булсын!