ГОМЕРНЕҢ АГЫШЛАРЫ: Райондашыбыз Рәхилә Госман кызы Госманова 95 яшьлек олуг юбилеен каршылады

20 август көнне Аккүз авылында гомер кичерүче  Рәхилә Госман кызы Госманова  95 яшьлек олуг юбилеен каршылады. 

Юбилярны гомеренең истәлекле көне белән район башлыгы урынбасары Рәйхан Галимҗанова тәбрик итте. Рәйхан Флүс кызы  туган көн иясенә үзенең шәхси котлаулары белән бергә Россия Президенты В.Путинның Котлау хатын, район башлыгы Э. Фәттаховның күчтәнәч кабын тапшырды. 

Рәхилә Госман кызы, шөкер, бәхетле картлык кичерә. Килене Вәсилә тәрбиясендә, читтә яшәүче оныкларының хөрмәтен, яратуын тоеп яши ул.