Районыбыз кырларында

Районыбыз кырларындагы икмәкнең 85 проценты җыеп алынды. Бу 33502 гектар мәйданнан бөртеклеләр һәм кузаклылар хуҗалык амбарларына озатылды дигән сүз. Район авыл хуҗалыгы һәм азык-төлек идарәсенән алынган оператив мәгълүматларга караганда, игеннәрнең гектар куәте 21, 6 центнерны тәшкил итә. Аерым культураларга килгәндә, көзге бодайның уртача уңышы 25,3 центнер, язгыныкы 20, 7 центнер. Арыш 26, борчак 14, 5, арпа 21,8 центнер белән куандырган. Әле арпа һәм язгы бодай уңышына нәтиҗә ясарга иртәрәк. "Наратлы", "Ташкын, "Эконом", кайбер ЛПХ һәм крестьян- фермерлык хуҗалыкларында бу культураларны җыеп бетерәсе бар.

Районыбыз кыр эшләре бер-берсен алыштырып кына тора. Хуҗалыкларда солы, карабодай, кукуруза, горчица, рапс, көнбагыш, җитен культураларын игү башланып китте.