Актанышның кадет мәктәбе укучылары тантаналы ант бирде

Бу көнне 36 егет һәм кыз Ватанга тугры булырга, яхшы укырга, кадет исемен намус белән йөртергә ант итте.

Тантанада Актаныш муниципаль районы башлыгы Ленар Зарипов та катнашты. Ул яшь кадетларга мөрәҗәгать итеп, аларга ныклык, сабырлык һәм сайлаган юлларына тугрылык теләде.

Кадет мәктәбенең укытучыларына һәм тәрбиячеләренә хөрмәт грамоталары һәм истәлекле бүләкләр тапшырылды.

Ә концерт номерлары тантанага аерым бер җылылык һәм күтәренке рух өстәде.

Бу мөһим вакыйга — яшь буын өчен Ватанга хезмәт итүгә беренче адым, батырлык һәм җаваплылык символы булып калды.

Чарада Актаныш районы башлыгы Ленар Зарипов, район прокуроры Линар Ибрагимов, район мобилизация башлыгы, район ГСВГ ветераннары командиры Нәсим Зәһертдинов һәм күп санлы кунаклар, ата-аналар катнашты.