Әлеге бәйрәм көне җәмәгатьчелек игътибарын волонтерлык кебек мөһим эшкә – мохтаҗларга түләүсез ярдәм итүгә җәлеп итүне максат итеп куя. Районыбызда волонтерлар ярдәменнән башка бер генә зур вакыйга да узмый. 

Волонтерлар СВОда катнашучы хәрби хезмәткәрләрнең гаиләләренә ярдәм күрсәтүдә читтә калмады. Бүген бу эшне "Мы вместе- Без бергә" төбәк штабы алып бара. 

Кешеләргә риясыз ярдәм итәр өчен, зур йөрәккә, рух көченә һәм актив позициягә ия булырга кирәк. Моңа үз җанын, көчен һәм вакытын салган һәркемгә ихлас күңелдән рәхмәт белдерәбез! Сезгә иминлек, бәхет, игелек телибез!