Якташыбыз Илдар Хәйретдинов Жуков медале белән бүләкләнде

Ил өчен катлаулы бу көннәрдә безнең тыныч күк йөзен чын геройлар –  тамырлары белән авылга береккән гади егетләр яклавын истә тоту бик мөһим, алар, уйлап та тормыйча, Ватанны яклау өчен көрәшкә күтәрелде.  

Шундый батырларның берсе, Күҗәкә авылында туып-үскән Илдар Хәйретдинов хәрби бурычын үтәгәндә күрсәткән батырлыгы өчен Жуков медале белән бүләкләнде. Бу бүләк якташыбызның кыюлыгын, фидакарьлеген һәм Ватанга тугрылыгын ил күләмендә тану ул!

Һәрбер шундый герой артында аңарда намус, дәрәҗә һәм Ватанга мәхәббәт тәрбияләгән гаилә тора. Илдарның әти – әнисе – Рәскать абый һәм Рәмилә апа улларында чын ир-ат характеры тәрбияли алганнар. Аларга батырлык үрнәгенә әверелгән уллары өчен чын күңелдән рәхмәт белдерәбез. 

Бүген нәкъ менә шундый егетләр – авыллардан һәм кечкенә шәһәрләрдән яу кырына киткәннәр илнең терәге булып тора. Аларның ныклыгы, тыйнаклыгы һәм фидакарьлеккә әзерлеге Россиянең көче – аның кешеләрендә икәнлеген исбатлый. 

Без үзебезнекеләр белән горурланабыз!