Җитәкчеләребез 101 яшьлек Бөек Ватан сугышы ветераны Тәфкил Вәлиевне якынлашып килүче Җиңү бәйрәме белән котладылар

 Дәүләт Думасы депутаты Әлфия Когогина белән Актаныш районы башлыгы Ленар Зарипов  районыбызның Почетлы гражданины, Бөек Ватан сугышы ветераны, 101 яшен каршы алган Тәфкил абый Вәлиевне якынлашып килүче Җиңү бәйрәме белән ихлас котладылар.

Тәфкил абый — сокланырлык шәхес. Кунакларны ул яхшы кәефтә аяк өсте крашылады. Күз тимәсен, бүген дә ул нык, җитез, фикере ачык, хәтере гаҗәеп. Гомеренең 46 елын авылда имам-хатыйб хезмәтенә багышлаган хөрмәтле аксакал ул.

Редакциябез исеменнән Тәфкил абыйга ныклы сәламәтлек, озын гомер, күңел тынычлыгы телибез. Алдагы Җиңү бәйрәмнәрен дә, туган көннәрен дә иминлектә, якыннары янәшәсендә каршы алырга язсын!