Бүген, 1 декабрь-Халыкара инвалидлар көнендә туры эфирда брифинг уза

               Республикада һәм безнең районыбызда да традиция нигезендә 1-10 декабрь көннәрендә инвалидлар ункөнлеге уза. Бу көннәрдә физик мөмкинлекләре чикләнгәннәргә аеруча игътибар, мәрхәмәт күрсәтелә, төрле чаралар, очрашулар үткәрелә. Аларны борчыган сораулар, проблемалар өйрәнелеп, чишү юллары эзләнә.

           
           Мөмкинчелекләре чикләнгәннәрнең барлык үзенчәлекләрен дә искә алып, безнең районда да бу ункөнлекнең чаралар планы төзелде. Башка еллардан үзгә буларак, быелгы чаралар эчтәлеге ягыннан да, куелган максаты ягыннан да тагы да баетылды, өстәмәләр кертелде.

    Хәзерге вакытта район хакимиятенең утырышлар залында  район башкарма комитетының социаль мәсьәләләр буенча урынбасары Дилбәр Әнвәрова рәислегендә Zoom форматында очрашу уза. Брифингта авыл җирлеге башлыклары,  башлангыч инвалидлар  оешмасы житәкчеләре, президиум әгъзалары катнаша. 

       Туры эфирны "Актаныш хәбәр"нең Телеграмм-каналында һәм "Актаныш-информ"ның Вконтакте төркемнәрендә карагыз.