Мөлкәт салымы

Мөлкәт салымын үз теләгең белән һәм вакытында түлә, дип кисәтә Россия федераль салым хезмәтенең ТР буенча 9 нчы районара инспекциясе. Салым түләүчеләр быелдан башлап мөлкәт салымын елга бер тапкыр - 1 ноябрьдән соңармыйча түли башлаячаклар. Әгәр шушы вакытка салым түләнми икән, сумманың 1/300 күләмендә пеня хисаплана башлый. Моннан тыш, салым органы, РФ Салым Кодексының 48 нче маддәсе нигезендә, аны суд аша юллап алу хокукына ия. Ул чакта салымны вакытында түләмәүчеләр суд приставлары хезмәтенә кимендә 500 сум күләмендә башкарма җыем түләргә тиеш булачаклар. Шуңа күрә салым органнары салым нарны вакытында түләргә кирәклеген кисәтәләр.